"Manchester Yunayted" "Fiorentina" futbolchisiga ko'z tikmoqda

"Fiorentina" himoyachisi Nikola Milenkovich faoliyatini Angliyada davom ettirishi mumkin, deb xabar beradi The Sun nashri.

Manbaga ko'ra, "Manchester Yunayted" 23 yoshli serbiyalik futbolchiga da'vogarlik qilmoqda. Xabar qilinishicha "Fiorentina" futbolchi uchun taxminan 43 million evro olishni xohlamoqda.

Eslatib o'tamiz, joriy mavsumda Milenkovich "Fiorentina" tarkibida 31ta o'yin o'tkazib, uchta gol va bitta gollik uzatma amalga oshirdi.

Manba: The Sun