Ispaniya Kubogi finalini uchun hakamlar tayinlandi

«Atletik Bilbao» hamda «Barselona» o'rtasidagi bahsda Xuan Martines Munuera boshchiligidagi hakamlar brigadasi ishlaydi.

Oktabr oyida bo'lib o'tgan «el-klasiko»dan keyin «Barselona» mazkur referi ustidan Ispaniya futbol federatsiyasiga shikoyat xati yozgandi. Kleman Langle va Serxio Ramos o'rtasidagi yakkakurashdan keyin «Barselona» darvozasiga penalti belgilanishi kataloniyaliklar noroziligiga sabab bo'lganidan xabaringiz bo'lsa kerak.

Ushbu to'qnashuvda VAR tizimi uchun javobgar Xose Luis Gonsales, zaxira hakami esa — Gilermo Kuadra Fernandes.

Ispaniya Kubogi finali Toshkent vaqti bilan 17 (18)-aprel kuni 00:30 da boshlanadi.