"Manchester Siti" "Aston Villa" etakchisini sotib olishga urinib ko'radi

"Manchester Siti" ushbu yozda "Aston Villa" yarim himoyachisi Jek Grilish bilan shartnoma imzolashga urinib ko'radi. "Man Siti" "sherlar"ning moliyaviy talabini qondirishga tayyor. Bu haqda Football Insider nashri xabar bermoqda.

Oldinroq "Aston Villa" o'z futbolchisi uchun kamida 80 million evro olmoqchi ekanligi xabar berilgan edi. Eslatib o'tamiz, Grilish xizmatlariga "Manchester Yunayted" va "Chelsi" klublari ham qiziqish bildirmoqda.

Ma'lumot uchun, joriy mavsumda Grilish 23 uchrashuvda maydonga tushib, 7ta gol va 12ta gollik uzatma amalga oshirdi.