Donarumma Italiyaning boshqa grand jamoasiga o'tishi mumkin

«Milan» darvozaboni Janlujji Donarumma yozgi transferlar mavsumida «Yuventus» safiga ko'chib o'tishi mumkin. Yaqinda 22 yoshli futbolchining agenti Mino Rayola Turinga tashrif buyurdi va «keksa sinyora»ning sport direktori Fabio Paratichi bilan uchrashdi. Ular italiyalik futbolchining e'htimoliy transferi haqida suhbatlashib olishdi. Hozirada milanliklar Donarumma bilan shartnoma uzaytirish borasida kelisha olmayapti. Klub futbolchiga yiliga 8 million maosh taklif qilmoqda, Janlujji esa Milan rahbariyatidan 12 million talab qilmoqda. Agar futbolchi va «Milan» rahbariyati ushbu yozda tugaydigan shartnomani uzaytirmasa, «Yuventus» futbolchini transfer qilish bo'yicha yakuniy qarorni qabul qilishadi.