Yovich yozda «Real»ga qaytadi

Madridning «Real» klubi hujumchisi Luka Yovich mavsum yakunida «Qirollik klubi»ga qaytadi. Bu haqda futbolchining sevgilisi Sofiya Miloshevich aytib o'tdi. Unga ko'ra, u va Luka bir necha oydan so'ng Frankfurtdan jo'nab ketishadi.

Yovich hozirda Frankfurtning «Ayntraxt» jamoasida ijarada. Nemislarda futbolchini to'liq sotib olish imkoniyati yo'q va «Real» bilan muzokara o'tkazishni rejalashtirmayapti ham.

«Qaymoqranglilar» esa hali futbolchi borasida bir qarorga kelishgani yo'q. «Blankos» serbni transferga qo'yishi ham istisno qilinmaydi. 23 yoshli hujumchiga «Milan» kabi ko'plab yirik jamoalar qiziqish bildirishmoqda.