Gvardiola Mourinoning rekordini takrorladi

«Manchester Siti» Evropa Chempionlar Ligasi chorak finalida Dortmundning «Borussiya» klubini ikki o'yinda ham bir xil, 2:1 hisobida mag'lubiyatga uchratgan holda yarim final yo'llanmasini qo'lga kiritdi.

Bu «shaharliklar» ustozi Pep Gvardiola uchun murabbiylik faoliyati davomida EChLdagi 8-yarim final bo'ladi. Ushbu ko'rsatkich bo'yicha ispaniyalik mutaxassis ayni paytda «Tottenhem»ni boshqarayotgan Joze Mourino rekordini takrorladi.

Gvardiola faoliyatida ilk bor EChLning 2008/2009 yilgi mavsumida «Barselona» bilan yarim finalga chiqqan.

«Manchester Siti» yarim finalda PSJ bilan bellashadi.

Manba: Opta