«Manchester Siti» — EChLda bir ko'rsatkich bo'yicha yagona jamoa

«Manchester Siti» Chempionlar Ligasi 1/4 finalining javob uchrashuvida ham Dortmundning «Borussiya» klubini 2:1 hisobida mag'lub etdi.

Pep Gvardiola jamoasi shu tariqa musobaqaning yarim finaliga yo'l oldi.

Shuningdek, «shaharliklar» joriy mavsum turnirda birorta o'yinda mag'lubiyatga uchramagan yagona jamoa bo'lib turibdi.

Angliya klubi ortda qolgan o'yinlarda 9 g'alaba, 1 durang qayd etgan. To'plar nisbati — 21:3.

«Manchester Siti» yarim finalda PSJ bilan to'qnash keladi.