Allegriga yana bir top klub da'vogarlik qiladi

Myunxenning «Bavariya» klubi sobiq «Yuventus» ustozi Massimiliano Allegrini jamoaga olib kelish haqida o'ylab ko'rmoqda.

Bu haqda jurnalist Nikolo Skira xabar beradi. Bunday deyilishiga asosiy sabab - jamoa bosh murabbiyi Flikka Germaniya milliy terma jamoasidan takliflar bo'layotganligi.

Biroq hozircha «qizillar» bosh postiga asosiy nomzod baribir Nagelsmann bo'lib turibdi. U esa «Leyptsig»da qolishni xohlamoqda.

Eslatib o'tamiz, Allegri 2019 yil maydan beri ishsiz. Uning so'nggi jamoasi Turinning «Yuventus» klubi edi.