«Lester» bosh murabbiyi iste'foga chiqarildi

«Lester» bosh murabbiyi Klod Pyuel o'z lavozimini tark etdi. Shuningdek, uning yordamchisi Jeki Bonnevey ham iste'foga chiqarildi.

«Lester» rasmiy sayti yangi bosh murabbiy qidirish ishlari olib borilayotganini e'lon qildi. Navbatdagi o'yinlarda jamoani murabbiylar Mayk Stouell va Adam Sedler boshqarishadi.

Pyuel 2017 yilning oktyabr oyida «Lester»ni qabul qilib olgandi. «Tulkilar» kecha o'z uylarida «Kristal Pelas»ga 1:4 hisobida imkoniyatni boy berib qo'yishdi. Shu tariqa, "Lester" barcha musobaqalar doirasidagi g'alabasiz o'yinlar seriyasini 7ta o'yinga etkazishdi.

Jamoa APLning 27-turidan keyin 32 ochko bilan 12-o'rinni band etib turibdi.