"Paxtakor" Chempionlar Ligasida 103-o'yinini o'tkazadi

"Paxtakor" Osiyo Chempionlar Ligasi-2021ning birinchi turida turnirdagi 103-bahsda maydonga tushishadi.

"Paxtakor" hozirga qadar Osiyo Chempionlar ligasida 102 bellashuv o'tkazib, 47 g'alaba, 19 durang va 36 mag'lubiyat qayd etgan ("Al Hilol" bilan o'tgan yilgi o'yinlar hisobdan chiqarib tashlangan). Raqib darvozasiga 143 to'p kiritib, darvozasidan 129 gol qo'yib yuborgan va 160 ochko to'plagan. Ilk o'yin bundan deyarli 19 yil avval Toshkentda Iordaniyaning "Al Vihdat" jamoasiga qarshi o'tkazilib, unda jamoamiz 3:0 hisobida zafar quchgan. Shuningdek, chempionlar musobaqasi sanalgan Osiyo Chempionlari Kubogida ikki o'yin o'tkazilgan.

Osiyo klublar musobaqalarida esa jamoamiz jami 118 bellashuvda maydonga tushib, 54 g'alaba, 21 durang hamda 43 mag'lubiyatga ega. Raqiblar darvozasi 186 marta ishg'ol qilinib, 163 gol o'tkazilgan.