Chempionlar ligasi tarixida bunday hodisa ilk marta ro'y berdi

«Pari Sen-Jermen» klubi Evropa chempionlar ligasi chorak final bosqichida musobaqaning amaldagi chempioni «Bavariya»ni turnirdan chiqarib yubordi.

Myunxenliklar mehmonda bo'lib o'tgan javob uchrashuvida g'alaba qozonishgan bo'lsada (1:0), dastlabki o'yinda mag'lubiyat (2:3) tufayli yarim finalga parijliklar yo'l olishdi.

"Opta" nashri tarqatgan xabarga ko'ra, o'tgan mavsumdagi musobaqa finalida yutqazgan jamoa kelasi mavsumda amaldagi chempionni turnirdan chiqarib yuborgan holat EChL tarixida ilk marta ro'y berdi.

«PSJ» yarim finalda «Manchester Siti» — «Borussiya» (Dortmund) juftligi g'olibi bilan to'qnash keladi.