EChL. "Chelsi" "Portu"ga mag'lub bo'lib, ikkinchi yarim finalchiga aylandi

Chempionlar Ligasi chorak final javob uchrashuvlari doirasidagi navbatdagi «Chelsi»  va «Portu»  qarama-qarshiligida angliyaliklar keyingi bosqich yo'llanmasiga ega chiqdi.  Garchi,  uchrashuvda nominal mezbon sifatida harakat qilgan «aristokratlar»  mag'lub bo'lishgan bo'lsa-da,  keyingi bosqich yo'llanmasiga ega chiqdi. Mazkur bahs Portugaliya jamoasining 1:0 hisobidagi g'alabasi bilan yakunlandi.  Uchrashuvdagi yagona gol ikkinchi taymga qo'shib berilgan daqiqalarda «ajdarlar»  hujumchisi Mehdi Tarimi tomonidan  kiritildi.  Umumiy hisob 2:1 «Chelsi»  foydasiga. 

«Chelsi» – «Portu»  0:1 (Umumiy hisob 2:1)

Gol: 0:1 – 90 Taremi.

«Chelsi» – Mendi, Chiluell, Ryudiger, Tiago Silva, Djeyms, Pulishich, Jorjino, Xavertts (Jiru, 90), Kante, Maunt (Ziesh, 86), Aspilikueta.

«Portu»  – Marchesin, Pepe, Mbemba, Sanusi, Manafa (Nanu, 75), Otavio, Serjiu Oliveyra (Fabiu Vieyra, 84), Marega (Evanilson, 75), Uribe, Korona (Dias, 75), Gruyich (Taremi, 63).

Ogohlantirishlar: Serjiu Oliveyra (46), Korona (74), Pepe (82), Dias (88), Taremi (90).