«Atalanta» bosh murabbiyi 20 kunga chetlatilishi mumkin

"Atalanta" bosh murabbiyi Jan Pero Gasperini Italiya kubogining final uchrashuvini o'tkazib yuborishi mumkin. Italiyalik mutaxassis jamoa ofisiga tashrif buyurgan antidoping bo'yicha inspektorni haqorat qilgani uchun difkalifikatsiya qilinishi mumkin.

"ANSA" tarqatgan xabarga ko'ra, antidoping bo'yicha inspektor Perfilippo Laviani kutilmaganda "Atalanta" bazasiga tashrif buyurgan va futbolchilarning biridan doping tahlili olmoqchi bo'lgan. Gasperini esa tekshiruvni bekor qilib, o'yinchini mashg'ulotga chiqishga majburlagan.

Ispektor murabbiyni antidoping kodeksini buzganlikda ayblamoqda. Mazkur ish 10 may kuni milliy antidoping sudida ko'rib chiqiladi.

"Atalanta" va "Yuventus" klublari o'rtasidagi Italiya kubogi final bahsi 19 may kuni Rejo-Emiliya shahidagi "Sassuolo" klubiga tegishli "Mapei" stadionida bo'lib o'tadi.

Manba: ua-football.com