Gyundogan: «Xoland bo'sh hududlarni ko'ra oladi va ...»

«Manchester Siti» yarim himoyachisi Ilkay Gyundogan Dortmundning «Borussiya» klubi forvardi Erling Xolandning o'yinini yuqori baholadi.

«U katta iste'dod va ajoyib futbolchi. Juda ko'p gollar uradi, jismonan baquvvat, tezkor va darvoza tomon bor e'tiborini qaratadi. Xoland bo'sh hududlarni ko'ra oladi hamda yo'lidan uchragan raqibni ayab o'tirmaydi.

Uning EChL va Bundesligadagi statistikasi aqlbovar qilmas darajada ajoyib ko'rinish olgan. Uning yosh ekanligi, futbolchini buyuk kelajak kutayotganini bildiradi. Uni shaxsan bilmayman, ammo menga u cho'qqiga chiqish uchun to'g'ri yo'ldan borayotgandek tuyulmoqda», — dedi Gyundogan.

Eslatib o'tamiz, «Borussiya Dortmund» hamda «Manchester Siti» jamoalari o'rtasidagi YChL 1/4 finalining javob o'yini ertaga, 14 aprel kuni Toshkent vaqti bilan 23:59 da boshlanadi.