"Milan" Ibragimovichga raqobatchi olib kelmoqchi

"Rossonerilar" yozgi transferlar oynasida hujumda raqobatni kuchaytirish maqsadida "Fiorentina" forvardi Dushan Vlaxovichni o'z safiga qo'shib olmoqchi.

"Tuttosport" nashrining ma'lum qilishicha milanliklar allaqachon futbolchining agenti bilan muzokaralar olib borgan.

"Milan" yaqin vaqtlar ichida shartnomasi uzaytiriladigan Zlatanga o'rinbosar qidirmoqda. Florentsiya klubi esa o'z futbolchisini 60 million evroga baholamoqda.

Eslatib o'tamiz, 21 yoshli serbiyalik ushbu mavsum A Seriyada 29 o'yin o'tkazib, 15 ta gol urdi va 2 ta golli uzatma amalga oshirdi.