«Chelsi» futbolchisi klubdagi o'rnidan norozi. U jamoani tark etishi mumkin

Calicomercato xabariga ko'ra «Chelsi» hujumchisi Xakim Ziesh keyingi transfer oynasida jamoasini o'zgartirishi mumkin.

Manbaning ma'lum qilishicha, 28 yoshli marokashlik, London klubidagi o'yin amaliyotidan qoniqmaydi.

Buning ustiga Tomas Tuxel jamoada bosh murabbiy sifatida ish boshlagandan so'ng, hujum guruhidagi boshqa o'yinchilarning ishonchliligi ancha oshdi.

Hujumchi o'tgan yozda «Ayaks» dan «Chelsi»ga o'tganida, tez-tez maydonga tushgan chunki aynan «aristokratlar»ning sobiq ustozi Frenk Lempard futbolchini jamoada ko'rishni xohlagan edi.

Tuxel qo'l ostida futbolchi zaxira o'rindig'ida oltita to'liq uchrashuvni o'tkazdi va yana etti o'yinda u maydonni erta tark etdi.

Ma'lumot o'rnida, 2020/2021 yilgi mavsumda Ziesh barcha turnirlarda 28 uchrashuvda maydonga tushib, ularda mos ravishda to'rttadan gol va assist qayd etdi.