«Real» Keynni sotib olmoqchi ammo boshqa yirik davogarlar ham bor

Madridning «Real» jamoasi Londonning «Tottenxem» va Angliya terma jamoasi hujumchisi Xarri Keynga qiziqish bildirmoqda, deb xabar beradi AS.

Manbaga ko'ra, qirollik klubi hujumchini qishki transfer oynasida sotib olish variantini ko'rib chiqmoqda. Chunki, Keyn Madrid klubi «Borussiya Dortmund»ning norvegiyalik hujumchisi Erling Xolandni sotib ololmasa, zaxira variant bo'lib qolmoqda.

«Tottenxem» Keynni 140 million evroga baholamoqda va hujumchi «Barselona», «PSJ», «Manchester Siti» va «Manchester Yunayted» manfaatlari doirasida.

Ma'lumot o'rnida, joriy mavsum 27 yoshli Keyn «shporlar» tarkibida, barcha musobaqalarda 42 o'yin o'tkazib 29 gol urdi va 16 golga uzatma amalga oshirdi.

Uning klub bilan shartnomasi 2024 yilning yozigacha amal qiladi.