Kilian Mbappe bir o'yinda ham gol, ham golli uzatma amalga oshirish bo'yicha top-5 ligalarda faqat Messidan ortda qolmoqda

PSJ Liga 1 32-turi doirasida 10 aprel kuni «Strasburg»ga qarshi kechgan o'yinda (4:1) g'alaba qozondi.

Parijliklar hujumchisi Kilian Mbappe ushbu o'yinda gol urdi va golli uzatma muallifiga aylandi. Mbappe Frantsiya chempionati doirasidagi 19 o'yin davomida ham gol, ham assist muallifiga aylandi.

Mbappe PSJ safiga o'tgan 2017/18 yilgi mavsumdan hozirgacha top-5 ligalarda faqat Lionel Messi bu ko'rsatkich borasida undan yaxshiroq natija qayd etgan. «Barselona» sardori bu davr ichida La Liganing 21 o'yinida ham gol urgan, ham golli uzatma amalga oshirgan.

22 yoshli futbolchi joriy mavsum Frantsiya chempionatida 27 o'yin o'tkazib, 21 ta gol va 7 ta golli uzatma qayd etdi.

Manba: daryo.uz