Pochettino: «Ikkala jamoa ham yarim finalga yo'l olishi mumkin»

PSJ bosh murabbiyi Maurisio Pochettino Chempionlar Ligasi chorak finalida «Bavariya»ga qarshi javob o'yini oldidan fikr bildirdi.

«Biz "Bavariya" qanday o'ynayotganini bilamiz, ular o'z uslubini o'zgartirmaydi deb o'ylayman. Biz o'z o'yinimizni ko'rsatishga va imkoniyatlar yaratishga harakat qilamiz.

Keyingi bosqich imkoniyati qanday? Ikkala jamoa ham yarim finalga yo'l olishi mumkin. Men «Bavariya»ni juda hurmat qilaman, chunki ular Evropaning eng yaxshi jamoasi.

Biz ularga hurmat ko'rsatishimiz kerak, ammo mening yigitlarim o'zlarining kuchlariga ishonishadi va keyingi bosqich uchun qo'llaridan kelgan barcha ishni qilishadi", - dedi Pochettino o'yinoldi matbuot anjumanida.

Eslatib o'tamiz, birinchi uchrashuv Myunxenda, 3:2 hisobida PSJning g'alabasi bilan yakunlangan edi.