Toni Kross o'ziga xos natija qayd etdi

Germaniya terma jamoasi va Ispaniyaning "Real Madrid" futbolchisi Toni Kross, kecha La liga 30-tur doirasidagi Kataloniyaning "Barselona" jamoasiga qarshi uchrashuvda (2:1), o'ziga xos natija qayd etdi. Ya'ni, bahsning 28-daqiqasida germaniyalik futbolchi "ko'k-anorranglilar" darvozasiga jamoasining ikkinchi to'pini kiritdi. E'tiborli tomoni shundaki, Toni "barsa"ga qarshi 17 ta uchrashuvda maydonga tushib, umuman raqibi darvozasini ishg'ol qilmagan edi. Ushbu gol nemis yarim himoyachisi uchun kataloniyaliklar darvozasiga kiritgan birinchi goli sifatida tarixda qoldi.