"Liverpul"ga qarshi uchrashuv oldidan "Real" jiddiy yo'qotishga uchradi

Kecha Ispaniya La ligasi 30 turidan o'rin olgan "Real Madrid" va "Barselona" jamoalari o'rtasidagi uchrashuvda (2:1), "qaymoqranglilar" futbolchisi Lukas Vaskes jarohat olib, maydonni erta tark etgan edi. Bugun chiqqan xabarlarga ko'ra, ispaniyalik futbolchining jarohati jiddiy bo'lib chiqdi. Manbada keltirilishicha, Vaskes katta ehtimol bilan Chempionlar Ligasi chorak final doirasidagi "Liverpul"ga qarshi uchrashuvni o'tkazib yuboradi. Mazkur bahs 15-aprel kuni Liverpuldagi "Enfild" stadionida o'tkaziladi. Dastlabki, Madridda kechgan uchrashuvda "Real" raqibiniga hech qanday imkoniyat qoldirmagan va 3:1 hisobida g'alaba qozonishgan edi.

Shuningdek, "Liverpul"ga qarshi javob bahsini jamoa sardori va etakchisi Serxio Ramos, Karvaxal va Varan o'tkazib yuboradi. Dani va Serxioda jarohat bilan bog'liq muammo bo'lsa, Varan bir necha kun oldin koronavirus infeksiyasini yuqtirib olgan edi.