«El-klasiko». «Real» «Barsa» ustidan qiyin g'alabaga erishdi

Ispaniya chempionatining 30 turi doirasida «Real Madrid» o'z maydonida «Barselona» bilan kuch sinashdi.

«Alfredo de Stefano» o'yingohida kechgan bahs, mezbonlarning 2:1 hisobiidagi g'alabasi bilan yakunlandi.

Deyarli butun o'yin teng kurashlar asnosida kechdi. Dastlab, Benzema Lukas Vaskesning uzatmasidan so'ng, chiroyli gol bilan golsiz sukunatni buzgan bo'lsa, Toni Kroos jarimadan raqib darvozasiga to'p kiritib hisobni ishonchli, 2:0 ko'rinishiga keltirdi.

Keyinchalik ikkinchi taymda Oskar Mingeza hisobni qisqartirishga muvaffaq bo'ldi. Shundan so'ng ikkala jamoada ham yana va yana gol urish uchun imkoniyatlar yuzaga kelgan bo'lsa ham, ulardan unumli foydalanishda faollik bo'lmadi. Hisob esa o'zgarmadi, 2:1. Madrid jamosi g'alabani tantana qildi.

Shu tariqa, bugungi bahsdan so'ng, «Real» ochkolari sonini 66 taga etkazib, onlayn turnir jadvalida birinchi o'ringa ko'tarilib oldi. «Barselona» esa 65 ochko bilan uchinchi pog'onadan joy oldi.

«Real Madrid» – «Barselona» 2:1 (2:0, 0:1) «Estadio Alfredo Di Stefano»

Gollar: 1:0 – 13 Benzema, 2:0 – 28 Kroos, 2:1 – 60 Mingesa.

«Real Madrid»– Kurtua, Mendi, Militao, Nacho, Vaskes (Odriosola, 43), Modrich, Kroos (Isko, 72), Valverde (Asensio, 61), Kazemiro, Vinisius Junior (Marselo, 72), Benzema (Mariano Dias, 72).

«Barselona» – ter Stegen, Dest (Grizmann, 46), Mingesa, Arauxo (Moriba, 72), Alba, Dembele (Breytueyt, 81), Buskets (Serdji Roberto, 64), Pedri (Trinkau, 81), de Yong, Langle, Messi.

Ogohlantirishlar:
Pedri (23), Arauxo (26), Nacho (69), Alba (84), Kazemiro (89).

Chetlatish:
Kazemiro (90).