«Chelsi» safarda «Kristal Pelas»ga imkoniyat qoldirmadi

Angliya chempionatining 31 turi doirasida «Kristal Pelas» «Chelsi» bilan kuch sinashdi. «Selxerst Park» o'yingohida kechgan bahs, mehmonlarning 4:1 hisobiidagi, yirik g'alabasi bilan yakunlandi.

Deyarli butun o'yin londonliklarning ustunligida o'tdi va ular birinchi taymning o'zida Xaverts, Pulishich va Zumalarning gollar bilan dastlabki 45 daqiqalikni 3 tato'p farqi bilan yakunlashdi.

Ikkinchi taymda mezbonlar vakili Benteke o'z goli bilan hisobni biroz qisqartirdi. Biroz o'tib esa, Pulishich ikkinchi marota raqib darvozabonini o'z goli bilan ranjitdi. Yakunda, hisob 4:1. «Aristokratlar» navbatdagi 3 ochkoga ega bo'lishdi.

Shu tariqa, bugungi bahsdan so'ng, «Chelsi» 54 ochko bilan to'rtinchi, hozirgacha 38 ochko to'plagan «Kristal Pelas» esa o'n uchinchi o'rinni band etdi.

«Kristal Pelas» – «Chelsi» 1:4 (0:3, 1:1) «Selxerst Park»

Gollar: 0:1 – 8 Xavertts, 0:2 – 10 Pulishich, 0:3 – 30 Zuma, 1:3 – 63 Benteke, 1:4 – 78 Pulishich.

«Kristal Pelas» – Guaita, Keyxill, Uord, van Anxolt, Ridevald (Makkarti, 59), Eze (Shlupp, 59), Kuyate, Milivoevich, Zaa, Benteke, Ayyu (Taunsend, 76).

«Chelsi» – Mendi, Zuma, Aspilikueta, Ryudiger, Chiluell, Maunt, Jorjino (Kante, 61), Pulishich, Xavertts, Xadson-Odoi (Djeyms, 76), Kovachich (Ziesh, 83).

Ogohlantirishlar:
Kuyate (29).