Superliga: «Mash'al» - «Qo'qon-1912» o'yinida darvoza to'rining tashqarisidan urilgan «gol» inobatga olindi (video)

O'zbekiston chempionatining 5-turi doirasida bo'lib o'tgan «Mash'al» va «Qo'qon-1912» klublari o'rtasidagi uchrashuvda g'alati hodisa ro'y berdi.

Mehmonlar futbolchisi Mo'min Meliev 52-daqiqada jarima maydoniga kirib bordi va zarba berdi. To'p esa ustun yonidan o'tib ketdi-yu, birdaniga darvoza to'rining ichida paydo bo'lib qoldi.

Hakamlar o'zaro maslahatlashgach, golni inobatga olishdi. Ma'lum bo'lishicha, to'rning kataklari ancha katta bo'lib, to'p u erdan bemalol o'tib, to'rga kirib ketgan.