Kuman: «El-klasiko» natijasi chempionlik poygasida hal qiluvchi rolni o'ynamaydi»

«Barselona» bosh murabbiyi Ronald Kuman La Liga doirasidagi «Real»ga qarshi uchrashuvdan oldin o'z kutilmalari bilan bo'lishdi.

«Klassiko» boshqa o'yinlardan ajralib turadi. «Barselona» yaxshi holatda, biz juda yaxshi formadamiz va sovrin uchun kurashishda davom etyapmiz.

«Real Madrid»ni ko'p tanqid qilishmoqda. Ular Chempionlar Ligasidagi yurishi hamda La Liga bosh sovrini uchun kurashni davom ettirishmoqda. Ularni tanqid qilayotganlarni qo'llab-quvvatlamayman.

Mazkur o'yin natijasi chempionlik poygasida hal qiluvchi rolni o'ynamaydi. Chunki undan keyin ko'plab o'yinlar bor. Qolgan barcha uchrashuvlarda g'alaba qozonish har bir jamoa uchun qiyin.

«Klassiko»da zafar quchadigan jamoa kayfiyatini jiddiy ravishda yuqoriga ko'tarib oladi», — deydi niderlandiyalik mutaxassis.

Manba: sports.ru