APLning navbatdagi tur o'yinlari bir daqiqalik sukut bilan boshlanadi

Buyuk Britaniya qirolichasi Elizaveta II ning turmush o'rtog'i va Edinburg gertsogi shahzoda Filipp vafot etdi.

Angliya Premer-Ligasi shu munosabat bilan hamdardlik bildirdi va chempionatning yaqin turdagi o'yinlari bir daqiqalik sukut bilan boshlanishini ma'lum qildi. Futbolchilar shuningdek, qora bog'ich taqqan holda o'ynashadi.

Shahzoda Filipp 99 yoshida olamdan o'tdi. Uning 100 yillik yubileyiga taxminan 2 oycha vaqt bor edi.

2021 yilning boshida shahzoda Filipp kasalxonaga yotqizilgan va bir oycha davomida o'sha erda bo'lgandi. Undan keyin yuragini operatsiya qildirgan marhum mart oyi o'rtalarida kasalxonadan chiqarilgan edi.

Manba: stadion.uz