“Metallurg” – “Andijon” uchrashuvidan oldin katta kontsert dasturi bo'ladi

“Metallurg” PFK rahbariyati va marketing bo'limi “Metallurg” – “Andijon” uchrashuviga tashrif buyuruvchi muxlislarning maroqli hordiq chiqarishlari uchun o'yindan oldin katta kontsert dasturini tashkillashtirayapti.

Bekoboddagi Markaziy stadionga xushovoz xonandalar, o'zbek estradasining yangi, yorqin yulduzlari – Bahriddin Zuhriddinov hamda Gulasal Abdullaevalar tashrif buyurishadi.

“Metallurg” – “Andijon” jamoalari uchrashuviga hamda katta bayram kontserti dasturini tomosha qilish uchun chiptalarni Bekobod shahrining gavjum hududlari hamda stadion kassalaridan xarid qilishingiz mumkin.