"Arsenal" o'z hujumchisini sotishga tayyor

Londonning "Arsenal" jamoasi yozgi transferlar oynasida Aleksandr Lyakazettni sotib yubormoqchi, deya xabar bermoqda 90min nashri.

"Kanonirlar" Lyakazettga bo'lgan har qanday taklifni tinglashadi. Sababi, klub bir qancha transferlar uchun pul topishni niyat qilgan.

Eslatib o'tamiz, 30 yoshli hujumchiga "Roma", "Sevilya" va Madridning "Atletiko" klublari qiziqmoqda.

Ma'lumot o'rnida, Aleksandr ushbu mavsum APLda 26 o'yin o'tkazib, 11 ta gol va 2 ta assistni o'z hisobiga yozdirib qo'ydi.