David Luisning maoshi qisqaradi

«Arsenal» himoyachi David Luis bilan shartnomani uzaytirish haqida o'ylamoqda.

Braziliyalik futbolchining amaldagi shartnomasi shu mavsum oxirida nihoyasiga etadi. Ammo londonliklar Davidga hozirgi shartlarni taklif qilmoqchi emaslar. Ya'ni uning maoshini qisqartirmoqchilar. Agar Luis rozi bo'lsa, yangi kelishuvga ko'ra haftasiga 120 ming funt sterling miqdorida maosh oladi.

Buning ustiga «kanonirlar» David Luisning kelajagini mavsum yakunlanganidan so'ng hal qilmoqchilar. Bu jamoaning evrokuboklarga yo'llanma kiritishiga bog'liq.