Dibala safga qaytdi

«Yuventus» hujumchisi Paulo Dibala Italiya chempionati doirasida "Napoli"ga qarshi 7 aprel kuni bo'ladigan o'yinda ishtirok etishga tayyor. Bu haqda klub bosh murabbiyi Andrea Pirlo xabar berdi.

«Dibala safga qaytdi va umumiy guruhda shug'ullandi. U to'p bilan ishlamoqda va o'zida og'riq his qilmayapti. U 3 oy davomida maydondan tashqarida qoldi. Ammo ertangi bahsda ishtirok etishga tayyor. Tabiiyki, u 90 daqiqa o'ynay olmaydi, ammo uning qaydnomaga kiritilgani yaxshi xabar», - dedi Pirlo.

Eslatib o'tamiz, «Yuventus» - «Napoli» uchrashuv chorshanba kuni Toshkent vaqti bilan 21:45da boshlanadi.