Yaypandagi “O'zbekiston” o'yingohi FIFA standartlariga mos zamonaviy arenaga aylandi
/ Kiritdi: BestMaster Ko'rilgan: 162
2021 yilgi mavsumda ilk bor O'zbekiston Superligasida ishtirok etayotgan “Turon” futbol klubining uy o'yingohi hisoblanadigan «O'zbekiston» arenasi FIFA standartlariga mos xolga keltirildi. Xususan o'yingohda 4x8 m o'lchamda ulkan “UZLED” elektron monitori hamda yorug'lik darajasi 2000 lyuks bo'lgan “Philips” svetodiod yoritish tizimlari o'rnatildi, shuningdek 3500 o'rinli qo'shimcha tribunalar qurib bitkazildi.
Mo'jazgina O'zbekiston tumanining Yaypan shaharchasida olib borilayotgan ushbu bunyodkorlik ishlari «Yangi O'zbekiston — yangicha dunyoqarash» shiori ostida jami 45 kun davomida qurib bitkazildi. Muhtaram prezidentimiz Shavkat Miromonovich Mirziyoev tomonidan olib borilayotgan ezgu islohotlar samarasi natijasida bugungi kunda yurtimizning barcha xududlarida shu kabi ko'ngilochar maskanlar, sport ob'ektlari va muhtasham binolar qad rostlamoqda.
Farg'ona viloyati hokimi Xayrullo Bozorov, O'zbekiston tumani hokimi Sherzod Yuldashevlarning bevosita qo'llab-quvvatlashlari natijasida endilikda Yaypan shahrida «O'zbekiston» nomi bilan ataladigan zamonaviy sport arenasi foydalanishga topshirildi.
O'yingoh xududida futbol uchrashuvlarini tomosha qilish uchun tashrif buyuradigan muxlislar uchun barcha sharoitlar yaratilgan. Xususan «Turon» futbol klubi brendi aks ettirilgan turli mahsulotlar savdosi «TURON SHOP» do'koni tarmog'i orqali tashkil etilmoqda.
«Turon» futbol klubi jamoasi qo'llab-quvvatlab turgan barcha mutasaddilarga o'z minnatdorchiligini izhor qiladi.
Manba: fcturon.uz
Bosh sahifaga
179