O'zbekiston ayollar milliy terma jamoasi Hindistonni mag'lub etdi

Osiyo kubogi-2022 saralash bahslariga tayyorgarlik ko'rayotgan O'zbekiston ayollar milliy terma jamoasi Olmaliqdagi o'quv-mashg'ulot yig'ini doirasida bugun Hindistonga qarshi o'rtoqlik uchrashuvini o'tkazdi.

Uchrashuv tugashiga 3 daqiqa qolganida kiritilgan yagona gol vakillarimizga g'alaba keltirdi. Maftuna Shoyimova darvozagacha 30 metrlar masofadan belgilangan jarima zarbasini golga aylantirdi: to'p ustunga tegib, to'rga borib tushdi.

Yig'in davomida O'zbekiston ayollar milliy terma jamoasi 11 aprel kuni OKMK stadionida Belarusga qarshi maydonga tushadi.

Xalqaro o'rtoqlik uchrashuvi, 5 aprel
O'zbekiston – Hindiston - 1:0 (0:0)
Gol: Maftuna Shoyimova (87)