«Al-G'arafa» - AGMK o'yinini iroqlik hakamlar guruhi boshqaradi

7 aprel kuni Qatarning Doha shahrida bo'lib o'tadigan OChL pley-off doirasidagi «Al-G'arafa» — AGMK uchrashuvini kim boshqarishi ma'lum bo'ldi.

OFK bo'lajak o'yin rasmiylarini e'lon qildi. Unga ko'ra, o'yinni iroqlik Ali Sabah Adday Al-Qaysiy boshchiligidagi hakamlar guruhi boshqaradi. Ali Sabahga qanotlarda Haydar Abdulhasan Ali Ubaydiy va Amir Dovud Hussayn Al-Vindaviy ko'maklashadi. Zaxira hakami sifatida esa suriyalik Feras Tavil ishlaydi. Hakamlar nazoratchisi etib Iordaniya vakili Naser Darvish Mustafa Algafari tayinlangan. Uchrashuv komissari esa falastinlik Ali Jebril.

OChL-2021. Pley-off bosqichi o'yini.
7 aprel, chorshanba.
«Al-G'arafa» — AGMK
Doha, "Suhaym Bin Hamad" stadioni.
Hakamlar: Ali Sabah Adday Al-Qaysiy (Iroq), Haydar Abdulhasan Ali Ubaydiy (Iroq), Amir Dovud Hussayn Al-Vindaviy (Iroq), Feras Tavil (Suriya)
Nazoratchi: Nosir Darvish Mustafa Al-G'afforiy (Iordaniya)
Komissar: Ali Jebril (Falastin)
Boshlanish vaqti: 20:20