Bundesliga. «Bavariya» safarda «Leyptsig»dan ustun keldi, «Borussiya D»da esa mag'lubiyat

Germaniya Bundesligasining 27-turidan o'rin olgan bir qator uchrashuvlar 3 aprel, shanba kuni bo'lib o'tdi.

«Bavariya» «Leyptsig» maydoniga safar qilib, kichik hisobdagi g'alabani tantana qildi. Myunxen klubiga g'alaba keltirgan yagona gol Leon Gorettska tomonidan 38-daqiqada urildi.

«Borussiya D» o'z maydonida «Ayntraxt F»ga imkoniyatni boy berib qo'ydi. 11-daqiqada Dortmund klubi himoyachisi Niko Shults o'z darvozasini ishg'ol qilib qo'ydi. 44-daqiqaga kelib Mats Hummels muvozanatni tikladi. Uchrashuvning asosiy vaqti tugashiga 3 daqiqa qolganida esa Andre Silva o'z hisobiga gol yozdirib qo'ygan holda jamoasiga g'alaba keltirdi.

«Bayer» esa 2:1 hisobida «Shalke-04»dan ustun keldi. Uchrashuvdagi gollar Lukas Alario, Patrik Shik va Klas-Yan Huntelar hisobiga yozildi.

27-turdan keyin «Bavariya» 64 ochko bilan musobaqa jadvalida peshqadamlik qilmoqda. «Leyptsig» 57 ochko bilan 2-o'rindan joy olgan. «Borussiya D» esa (43) 5-o'rinni band etgan.

Bundesliga, 27-tur

«Leyptsig» — «Bavariya» 0:1
Gol: 0:1 — 38 Gorettska.
«Leyptsig»: Gulachi, Mukiele, Orban, Klostermann, Upamekano, Aydara (Serlot, 74), Zabittser, Olmo (Poulsen, 73; Konate, 88), Adams (Hvan Chxan, 82), Nkunku, Forsberg (Klyuyvert, 46).
«Bavariya»: Noyer, Pavar, Alaba, Zyule, Lyuka Ernandes, Gorettska (Musiala, 72), Kimmix, Shupo-Moting, Myuller, Koman (Gnabri, 72), Sane (Xavi Martines, 81).
Ogohlantirishlar: Mukiele (26), Kimmix (33), Zabittser (38), Upamekano (61), Lyuka Ernandes (81).

«Borussiya D» – «Ayntraxt F» 1:2
Gollar: 0:1 – 11, avtogol Shults, 1:1 – 45 Hummels, 1:2 – 87 Andre Silva.
«Borussiya D»: Hits, Hummels, Akanji, Shults (Reyner, 80), Azar (Knauff, 63), Gerreyru, Dileyni, Bellinghem (Daud, 56), Jan, Holand, Roys (Reyna, 80).
«Ayntraxt F»: Trapp, Durm (Chendler, 74), Ilzanker, Ndika, Tuta, Kostich, Rode (Barkok, 88), Sou, Yunes (Kamada, 46), Andre Silva (Suber, 89), Yovich.
Ogohlantirishlar: Kostich (25), Sou (33), Rode (76).

«Bayer» – «Shalke-04» 2:1
Gollar: 1:0 – 26 Alario, 2:0 – 72 Shik, 2:1 – 81 Huntelar.

«Volfsburg» – «Kyoln» 1:0
Gol: 1:0 – 69 Brekalo.

«Maynts» – «Arminiya» 1:1
Gollar: 1:0 – 56, penalti Brosinski, 1:1 – 76 Foglzammer.

«Augsburg» – «Hoffenhaym» 2:1
Gollar: 1:0 – 8 Vargas, 2:0 – 23 Han, 2:1 – 85 Skov.

Manba: daryo.uz