Pro ligada 4 murabbiy va 6 futbolchi oy laureati bo'lishga da'vogar

O'zbekiston Professional futbol ligasi 2021 yildan boshlab Pro liganing eng yaxshi murabbiyi va futbolchisini aniqlash uchun so'rovnoma o'tkazishni boshladi, deya xabar bermoqda tashkilot rasmiy sayti.

Ortda qolayotgan mart oyida Pro ligada dastlabki 2ta tur uchrashuvlari bo'lib o'tdi. Mazkur bellashuvlar davomida ko'plab futbolchi va murabbiylar o'zlarini ko'rsatishga erishdi.

Mart oyining eng yaxshi murabbiyi bo'lish uchun nomzodlar:
Hakim Fuzaylov (“Dinamo”) – 2 ta o'yin, 2 g'alaba
Davron Fayziev (“Buxoro”) – 2 ta o'yin, 2 g'alaba
Ilhom Mo'minjonov (“Neftchi”) – 2 o'yin, 1 g'alaba, 1 durang
Temur Kapadze (“Olimpik”) – 2 o'yin, 1 g'alaba, 1 durang

Mart oyining eng yaxshi futbolchisi bo'lish uchun nomzodlar:
Azamat Allaniyozov (“Orol”) – 2 o'yin, 2 gol
Marko Obradovich (“Neftchi”) – 2 o'yin, 2 gol
Navro'zbek Alimov (“Orol”) – 2 o'yin, 2 gol
Temur Mamasidiqov (“Olimpik”) – 2 o'yin, 1 gol
Akbar To'raev (“Neftchi”) – 2 o'yin, 2 quruq o'yin
Sardor Eminov (“Dinamo”) – 2 o'yin, 2 assist.

Eslatib o'tamiz, ovoz berish jarayonida Pro liga klublari bosh murabbiylari va sardorlari hamda muxlislar ishtirok etadi. Pro liganing 10 klubi bosh murabbiylari hamda sardorlari ko'rsatilgan nomzodlarni uchtalikka joylashtirib chiqadi. Dastlabki o'rinda ko'rsatilgan nomzod 3, mos ravishda keyingi ikki o'rindagilar 2 va 1 ochkolik bo'ladi.

O'zPFL tomonidan futbol muxlislari o'rtasida o'tkazilgan so'rovnoma natijasi esa murabbiy va sardorlar o'rtasida o'tkazilgan so'rovnoma natijalariga qo'shiladi. Bunda muxlislar ovozi katta ahamiyatga ega bo'lib, birinchi o'rinni egallagan nomzod 6, mos ravishda keyingilar 4 va 2 ochkodan qo'lga kiritadi. Yakunda eng ko'p ball to'plaganlar oyning eng yaxshilari sifatida e'tirof etiladi.

Manba: interfutbol.uz