Ueyn Runi APL tarixidagi eng yaxshi chet ellik hujumchi nomini aytdi

«Manchester Yunayted» sobiq hujumchisi va hozirda «Derbi Kaunti» bosh murabbiyi hisoblangan Ueyn Runi «Manchester Siti»ni tark etayotgan Serxio Aguero haqidagi fikrlari bilan o'rtoqlashdi.

"Agueroning o'yiniga aql bovar qilmaydi, u Premer Liga tarixidagi eng yaxshi chet ellik hujumchilardan biri. Biroq menga tanlashni taklif qilishsa, u holda Terri Anrini aytgan bo'lardim. Undan keyingi o'rinlarga Aguero, Rud van Nistelroy, Dennis Bergkamp va Erik Kantonani qo'yardim.

Biroq Aguero shubhasiz APLning buyuk o'yinchilaridan biri. U ajoyib futbolchi. Ishonchim komil, «Siti»da uning yo'qligi bilinadi, Premer Ligada ham. Sababi u juda sifatli o'yinchi", — dedi Ueyn Runi.

Aguero 2020/21 yilgi mavsum yakunida «Manchester Siti»ni tark etishini ma'lum qildi. Tomonlar joriy mavsum yakuniga etadigan shartnomani uzaytirmaslik qaroriga kelgan.