MYu «Borussiya D» jamoasi futbolchisining narxini "osmon" deb hisoblamoqda

"Manchester Yunayted" Dortmundning "Borussiya D" klubi yarimhimoyachisi Jeydon Sancho bilan shartnoma imzolashni o'ylamoqda, deya xabar beradi Eurosport.

Manchester klubi kelasi mavsum futbolchini o'z safida ko'rishni istaydi. Ammo, nemis klubidan keladigan yarimhimoyachining narxi "qizil iblislar"ga ma'qul emas. Ular "Borussiya" so'rayotgan 100 million funtni juda yuqori narx deb hisoblaydi.

Klub Sancho uchun bunday pul to'lamoqchi emas va hozirgi sharoitda uning narxi 50-60 million funtga teng ekaniga amin.

Ma'lumot uchun, joriy mavsumda Sancho Bundesliganing 21 uchrashuvida maydonga tushdi va 6 gol urib, 9 golga uzatma amalga oshirdi.