Jesus: «Aguero "Man. Siti" tarixidagi eng yaxshi futbolchi»

"Manchester Siti" hujumchisi Gabriel Jezus ushbu yozda jamoani tark etishini ma'lum qilgan Serxio Aguero haqida o'z fikrlari bilan o'rtoqlashdi.

«U maydonga chiqadi va gol uradi. Serxio haqiqiy goleador. Men buni aniq bilman. Chunki men u bilan har kuni ishlayman va maydonda ko'p birga bo'laman.

Birgalikda o'ynaganimizda men bitta gol ursam, u ikkita, men ikkita ursam u uchta gol urar edi.

Men undan kelajakda qanday qilib ko'plab gollarni urish va qanday qilib haqiqiy to'purarga aylanish haqida ko'p narsalarni o'rganishim kerak deb o'ylayman. Aguero "Manchester Siti" tarixidagi eng yaxshi o'yinchi», -deydi braziliyalik hujumchi.