Kuman Aguero transferiga qat'iy qarshi. U boshqa hujumchini ma'qul ko'rmoqda

"Barselona" rahbariyati kecha Angliya klubini yozda tark etishini e'lon qilgan hujumchi Serxio Agueroning xizmatiga qiziqish bildirmoqda, ammo kataloniyaliklar ustozi Ronald Kuman bu transferga rozi emas.

Niderlandiyalik mutaxassis argentinalik hujumchiga nisbatan o'z pozitsiyasini o'zgartirmadi. Murabbiy Agueroni jamoada ko'rishni istamayapti.

Aksincha, Kuman "Lion" hujumchisi Memfis Depayni afzal ko'radi, u ham shu yilning yozida erkin agentga aylanadi.

Murabbiy Depayning "Barselona" o'yin tizimiga yaxshiroq moslashishiga amin. Bundan tashqari, 25 yoshli hujumchidan turli xil pozitsiyalarda foydalanish mumkin, bu esa Kuman uchun ayni muddao.

Ammo, "Barsa"ning Aguero yoki Depayni sotib olish niyati klubning "Borussiya Dortmund"dan Erling Xolandning xarid qilinishiga aloqasi yo'q. Kataloniyaliklar ikkita yangi hujumchini sotib olishmoqchi.

Manba: Diario Sport