«Liverpul», MYu va «Tottenxem» «Leyptsig» futbolchisi uchun da'vogarlik qilmoqda

«RB Leyptsig» yarimhimoyachisi Marsel Zabittser yozgi transfer oynasida jamoasini o'zgartirmoqchi.

«Liverpul», «Manchester Yunayted» va «Tottenxem» klublari esa 27 yoshli avstriyalikni o'z safiga qo'shib olmoqchi. Futbolchi allaqachon «Leyptsig» rahbariyatiga yozda jamoani tark etishini ma'lum qilgan.

Yarimhimoyachining nemis klubi bilan amaldagi shartnomasi 2022 yil yozida o'z nihoyasiga etadi. Agar Zabitser Nemis klubi bilan yangi shartnoma imzolashdan bosh tortsa, futbolchi tekinga ketmasligi uchun klub uni yozda yoki kelgusi qishda sotib yuborishi kerak.

Joriy mavsumda «buqalar» sardori Bundesligada 21 uchrashuv o'tkazdi va 6 gol, 2 assist amalga oshirishga muvaffaq bo'ldi.