Tokio—2020 Olimpiadasiga yo'llanma olgan barcha futbol terma jamoalari ma'lum bo'ldi

Tokio—2020 Olimpiadasiga yo'llanma olgan barcha futbol jamoalari nomi ma'lum bo'ldi.

AQSh olimpiya terma jamoasi 29 mart kungi o'yinda Gondurasga mag'lub bo'lib (1:2), ketma-ket uchinchi marta Olimpiada yo'llanmasidan quruq qoldi. Gonduras esa so'nggi yo'llanma egasiga aylandi.

Quyidagi terma jamoalar Tokio—2020 Olimpiadasida kurash olib boradi:

    Evropa: Frantsiya, Germaniya, Ruminiya, Ispaniya;
    Osiyo: Yaponiya (mezbon), Avstraliya, Saudiya Arabistoni, Janubiy Koreya;
    Janubiy Amerika: Argentina, Braziliya;
    Shimoliy Amerika: Gonduras, Meksika;
    Afrika: JAR, Misr, Kot-d’Ivuar;
    Okeaniya: Yangi Zelandiya.

Musobaqaga 21 aprel kuni qur'a tashlanadi. Olimpiya o'yinlari 2021 yilning 21 iyulidan 7 avgustga qadar davom etadi.

Eslatib o'tamiz, O'zbekiston olimpiya terma jamoasi U-23 Osiyo Kubogi uchinchi o'rini uchun kechgan bahsda Avstraliyaga yutqazib, Tokio—2020 yo'llanmasidan quruq qolgandi.