Ronaldu Portugaliyaning so'nggi o'yinlarida o'ziga o'xshamayapti

Turinning «Yuventus» klubi va Portugaliya terma jamoasi hujumchisi Krishtianu Ronaldu milliy termaning so'nggi o'yinlarida muvaffaqiyatsizlikka uchramoqda.

Krishtianu kecha jamoasining Serbiyaga qarshi bahsida maydonga tushdi va gol urishning uddasidan chiqa olmadi. Bu superforvard uchun ketma-ket 4 «quruq» seriya hisoblanadi.

Bundan oldin Ronaldu Frantsiya, Xorvatiya va Ozarbayjon jamoalariga qarshi o'yinlarda ham gol va assist amalga oshirishning uddasidan chiqa olmagan edi. Oxirgi marta u o'tgan yilning 11 noyabrida Andorra darvozasini ishg'ol etgan.