Gomes Amerikadan kelgan taklifni rad etdi

«Sevilya» a'zosi Alexandro Gomes o'ziga MLSdan tushgan taklifni rad etdi.

Fabritsio Romanoning xabar berishicha, argentinalik futbolchiga «Tsintsinnati»dan qiziqish bo'lgan edi. Biroq u Evropada qolishni maqsad qilgan. Gomes bundan oldinroq aynan Yap Stam boshqaruvidagi jamoaga borib qo'shilishni xohlagandi. Ammo hozir u «andalusiyaliklar» safida o'ynashdan mamnun.

Ma'lumot uchun, 33 yoshli Gomes joriy mavsum 13 ta o'yinda maydonga tushib 1 gol muallifiga aylandi.