Sambo. Jahon kubogining dastlabki kunida vakillarimizdan 4 ta medal!

Xabar berganimizdek, Rossiya poytaxti Moskva shahrida sambo bo'yicha «Xarlampiev Memoriali» nomi ostida Jahon kubogi bahslari o'tkazilmoqda.

Musobaqaning birinchi kun bahslarida o'zbekistonlik to'rt nafar sportchi shohsupaga ko'tarildi. Kun yakuniga ko'ra, jangovar sambochimiz Bahodir Bakiev (-58 kg) barcha raqiblarini mag'lubiyatga uchratib, oltin medalga sazovor bo'ldi. Xomidjon Mo'minov (sportcha sambo, -64 kg), Dilshod Choriev (sportcha sambo, -98 kg) va Hakimjon Ismoilov (jangovar sambo, +98 kg) kumush medalga ega chiqishdi.