Vadim Abramov: «Raqib tanlashda variantlarimiz ko'p emasdi»

O'zbekiston milliy jamoasi bosh murabbiyi Vadim Abramov Ganaga qarshi bo'ladigan o'rtoqlik o'yini oldidan o'z fikrlari bilan o'rtoqlashdi.

"Bu Gananing qaysi jamoasi ekanligini ahamiyati yo'q. Agar Tojikiston yoki Qirg'iziston bilan o'ynasak ham, norozilik bo'lardi. Raqib tanlashda variantlarimiz ko'p emasdi. Evropa jamoalari bilan o'ynash imkonsiz. Sababi, hozir ular Jahon chempionati-2022 doirasidagi saralashi bahslarini o'tkazishmoqda.

Anvar G'ofurovning murabbiylar shtabiga qo'shilishi mening qarorim. Odil Ahmedovning jamoada yo'qligi? U deyarli yarim yildan buyon futbol o'ynamayapti. Meni Odil va Jamshid Iskandarovning o'yin amaliyotiga ega emasligi, Aziz G'aniev va Ikrom Aliboevning jarohati tashvishlantiradi. Lekin tarkibda ularning o'rnini bosa oladigan futbolchilar bor. Ahmedovning qaytishiga umid qilamiz", — dedi Abramov.