Ronaldu «Real»ga qaytishni istasa, Peres uni kam maoshga rozi bo'lishga majburlaydi

«Real» klubi "Yuventus" hujumchisi Krishtianu Ronalduni yozda jamoaga qaytarish variantini ko'rib chiqmoqda. Bu haqda AS nashri xabar tarqatdi.

«Madrid» hozircha "keksa sinora"ga rasmiy taklif yubormadi, ammo jamoa portugaliyalik futbolchiga qancha maosh to'lashi mumkinligini chamalay boshladi.

Hozirda Ronaldu «Yuve» safida 31 million evro maosh olmoqda, "Real" esa buncha to'lamasligi aniq. Ammo, taxminlarga ko'ra, madridliklar Krishtianuga 25 million evro taklif qilishi mumkin. Ushbu summa ham hujumchini "Real"ning eng ko'p maosh oladigan futbolchisiga aylantiradi.