Diego Kosta Portugaliya klubiga o'tishga rozi bo'ldi

"Atletiko Madrid" va "Chelsi"ning sobiq hujumchisi Diego Kosta faoliyatini yozda Portugaliyaning "Benfika" klubida davom ettiradi.

Portugaliya klubi 32 yoshli futbolchi bilan printsipial kelishuvga erishgan. Ispaniyalik hujumchi 2020 yil dekabrida "Atletiko"dan ketganidan so'ng erkin agent maqomida bo'lib turibdi.

Avvalroq "Benfika" Kostaga yiliga 3 million evro maosh bilan ikki yillik shartnoma taklif qilgani haqida xabar berilgan edi.

Transfer narxi 10 million evroga baholanayotgan Kosta faoliyati davomida Portugaliyaning "Braga", "Penafiel", Ispaniyaning "Atletiko", "Selta", "Albasete", "Valyadolid", "Rayo Valekano" va Angliyaning "Chelsi" jamoalarida to'p tepgan.