Transfermarkt Shomurodovning narxini oshirdi

Transfermarkt portali 23 mart kuni bir qator futbolchilarning narxlariga o'zgarish kiritdi.

Xususan, portal "Jenoa" hujumchisi Eldor Shomurodovning narxi 6,5 million evrodan 7 million evroga oshirdi. Bu esa narx borasida "Jenoa" futbolchilari orasida to'rtinchi ko'rsatkich bo'lsa, u A seriya futbolchilari orasida 184-pog'onani egallagan.

Ayni paytda Shomurodov O'zbekistonning eng qimmat futbolchisi hisoblanadi.