Eldor Shomurodov nima sababdan «Jenoa»ga o'tish variantini tanlaganini ma'lum qildi

«Jenoa» klubi va O'zbekiston terma jamoasi hujumchisi Eldor Shomurodov nima uchun genuyaliklar klubiga o'tishni tanlagani haqida gapirdi.

«Jenoa»ga o'tishimning birinchi sababi — jamoa hujumchilar oldi-sotdisida faol harakat qilishi. Ikkinchi esa, o'yinchilarni ko'p ushlab qolmasligi, ya'ni yaxshiroq variant chiqsa ular har doim sotishga tayyor. Bu erda o'sishga erishish mumkin.

Shuningdek, «Jenoa» va «Sampdoriya» o'rtasidagi uchrashuv Italiyadagi eng mashhur derbilardan biri, Genuyada futbolga bo'lgan qiziqish yuqori darajada. Aynan shu uchta jihat «Jenoa»ga o'tishimga asosiy sabab bo'ldi", — dedi Shomurodov.

Shomurodov 2020 yilning yozgi transfer oynasida «Rostov»dan «Jenoa» safida borib qo'shildi. 25 yoshli futbolchi A Seriyada 21 o'yin o'tkazib, uchta gol va bitta golli uzatma muallifiga aylandi.