PSJning Dibala uchun qancha taklif qilgani ma'lum bo'ldi

Turinning «Yuventus» klubi hujumchisi Paulo Dibala uchun kurashga endi Pari Sen-Jermen ham qo'shilgan.

Bu haqda La Gazette dello Sport xabar beradi. Manbaning ma'lum qilishicha, parijliklar argentinalik futbolchi uchun 60 millionning bahridan kechishga tayyor. Biroq ushbu transferning amalga oshish ehtimoli juda past. Dibalaning Frantsiyaga yo'l olishi uchun klubdan Neymar hamda Mbappelarning ketishiga to'g'ri keladi.

Ma'lumot uchun, Dibala joriy mavsum 7 ta o'yinda maydonga tushib 2 gol va shuncha assist muallifiga aylandi.